نشرت الفنانة اللبنانية سيرين عبدالنورعلى صفحتها الشخصية على موقع التواصل الاجتماعي تويتر دعوة للحب والصفاء بدلًا عن الحقد والكراهية قائلة: "تعوا نجمع الحب ويصير محبة، لما بتكون المحبة بقلبك عم تكبر بصمت لأنك أنت بكامل حريتك عم تغذيها بابتسامة محل التعصيب والتطنيش محل الانتقام، والصفاء محل الحقد كتير بتأثر إيجابيًا وبتعطينا سعادة وسلام".
لتأتي تعليقات متابعي سيرين مؤيدة دعوتها للحب، فيقول أحد التعليقات: "شو بحب رأسك ومحبتك ونضافة قلبك، شو بتعرفي تحبي وتحكي وتعبري بسلام، فعلا معك حق بكل حرف، إذا منستعمل المحبة ضد كل كلشي سلبي بيأثر إيجابياً علينا وعلى اللي حوالينا، إنشالله بتضلك عايشة بسعادة وسلام وحب."
ويقول تعليق أخر: "أحلى شي بالدنيا المحبه، الله بيزرع الحب بقلوبنا من غير مانحس، مافي شي أحلى من هيك شعور على قد مافي ناس بشعه بالحياه بس لحد هلأ في ناس محبه وقلبها كبير ونظيف وبتعرف تحب وبتعرف توفي ومابتخون، الحمدالله على نعمة المحبه ووجودها بحياتنا، وأنا عنجد بحبك من كل قلبي."
